Vendosja e kufizimeve nga Banka e Shqipërisë për kreditë për blerjen e shtëpive, sipas ekspertit të ekonomisë Selami Xhepa do të prek më shumë blerjen e banesave të dyta, shtëpitë e pushimit, ose blerjet e pasurive të patundshme për investime. Madje sipas tij masat duhet të ishin edhe më kufizuese për ata që duan kredi për investime në disa banesa.
Kredia e re për blerje banesash gjatë vitit 2024 sipas të dhënave zyrtare, arriti rekord historik, prej gati 55 miliardë lekë, gjë që sipas ekspertit Xhepa mund të përbëj rrezik për stabilitetin financiar.
Sipas vendimit të Bankës së Shqipërisë, kreditimi për shtëpi në lekë do jetë 85% për shtëpinë e parë dhe 80% për shtëpinë e dytë, ndërsa në valutë të huaj për shkak edhe të luhatjeve të mëdha të kursit të këmbimit, kreditimi është në 75% për shtëpinë e parë dhe 70% për shtëpinë e dytë.
Klan News
