Autoritetet në qytetin jugor kinez të Shenzhen thonë se një mostër e marrë në sipërfaqe nga disa krahë pule të ngrirë të importuara nga Brazili ka testuar pozitive për koronavirus.
Krahët e pulës u testuan nga autoritetet lokale shëndetësore si pjesë e kontrollimeve rutinore të importeve të ushqimit.
Qeveria lokale e Shenzhen tha se testet e çdo personi që mund të kishte patur kontakt me ngarkesën e infektuar, si dhe produktet ushqimore të ruajtura pranë tij, kishin dalë negative.
Një ditë më parë, media shtetërore kineze raportoi se koronavirusi ishte gjetur në qytetin lindor të Wuhu në paketimin e karkalecave të ngrira të importuara nga Ekuadori.
Të dy rastet kanë ngritur frikën se dërgesat e kontaminuara ushqimore të importuara nga jashtë mund të shkaktojnë shpërthime të reja të Covid-19.
Autoritetet shëndetësore në Shenzhen thanë që publiku duhej të merrte masa paraprake për të zvogëluar rreziqet e infeksionit nga mishi dhe ushqimet e detit të importuara./ Opinion.al
