Komisioni Qendror i Zgjedhjeve është mbledhur ditën e sotme dhe në lidhje me Tom Doshin e ka mbyllur procedurën.
Mësohet se KQZ nuk ka marrë asnjë vendim në lidhje me ish deputetin, pasi ai nuk ka mandat dhe as nuk ka mundësi ta fitojë atë.
“Jemi përballë rastit që nuk përfshihet më në sferën e ligjit të dekriminalizimit. Nuk ka mandat deputeti e as ndonjë mundësi që ta fitojë atë. E mbyll procedurën pa vendim”-tha Ilirjan Celibashi.
Kujtojmë se Prokuroria e Përgjithshme, në përfundim të verifikimeve tha se Doshi ka qenë i dënuar dhe hetuar për disa vepra penale.
Ish-deputeti, Tom Doshi, paraqiti dorëheqjen nga mandati i fituar në zgjedhjet e 25 Prillit por edhe si kryetar i partisë së tij, PSD./Opinion.al
