Teksa opozita përtej vendimit për të dorëzuar mandatet, ka vendosur të mos dorëzojë as emrat për komisionerë për zgjedhjet lokale të 30 qershorit, Komisioni Qendror i Zgjedhjeve duket i vendosur të vazhdojë me procedurat e nevojshme. Klement Zguri u ka bërë thirrje të gjithë qytetarëve që të aplikojnë për komisionerë, për të mbushur vakancën e lënë nga emërimet e munguara të opozitës.
“Thirrje për qytetaret të aplikojnë për komisionarë, pasi KQZ bën emërime kryesisht sipas ligjit. Kjo për shkak se partitë nuk kanë depozituar anëtarët për komisionarë”, është shprehur sot ai.
Në këtë mënyrë, KQZ sfidon hapur vendimin e opozitës për të mos dorëzuar listat për komisionerë, pavarësisht thirrjeve të përsëritura./Opinion.al
