Komisioni Qendror i Zgjedhjeve i ka kërkuar zyrtarisht Prokurorisë së Përgjithshme, që të nisë verifikimin për 7 anëtarë të këshillave bashkiake që dolën nga zgjedhjet e 30 qershorit.
Mësohet se personat të cilët përfshihen në kërkesën e drejtuar Prokurorisë, dyshohet të kenë pasur më herët probleme me drejtësinë. Ndërkohë, deri më tani ende nuk janë bërë publik emrat e anëtarëve ndaj të cilëve është kërkuar verifikimi.
Pas administrimit të kësaj kërkese, nga ana e Prokurorisë do të kryhen të gjitha verifikimet si brenda ashtu edhe jashtë vendit, në bazë të informacioneve që do të mblidhen.
KQZ e ka bërë këtë kërkesë, pas rastit të kandidatit të zgjedhur për kryetar Bashkie të Shkodrës, Valdrin Pjetri. Ndërsa, këto akuza po rëndojnë edhe mbi kryebashkiakune e Vorës, Agim Kajmaku. Në të dyja rastet ka qenë Partia Demokratike e cila ka publikuar dokumente të dënimeve të tyre në vendet e BE./ Opinion.al E.Xh.
