Në bazë të një kërkese të Prokurorisë së Përgjithshme, KQZ vendos sot për heqjen ose jo të mandatit të deputetit të PS, Armando Prenga. Prokuroria ka gjetur shkelje në formularin e vetëdeklarimit të Pregës në kuadër të ligjit të Dekreminalizmit.
Prokuroria thotë se deputeti i PS për Laçin ka fshehur një dënim dhënë nga Gjykata e Kurbinit. Po kështu, Prenga dyshohet se është i dënuar edhe në Itali për falsifikime.
Armando Prenga nuk është i pranishëm në mbledhjen e KQZ por përfaqësohet nga avokati i tij. Në nisje të mbledhjes, mbrojtësi i deputetit e mori fjalën i pari duke thënë se “Prokuroria e Përgjithshme nuk i ka vënë në dispozicion aktet bazë të hetimit me argumentin se përbën sekret hetimor”.
Ai tha se nuk jemi vënë në rrugë zyrtare në dijeni me kërkesën për heqjen e mandtit. Avokati tha se njoftimin e ka marrë vetem nga administrata e KQZ-së.
*Lajmi në përditësim…
