Komisioni Qendror i Zgjedhjeve i ka dhënë sot mandatin Korab Litës. Lita do të bëhet kështu deputeti i 100-të i parlamentit shqiptar, pas betimit të tij në seancën plenare të radhës.
Korab Lita është njëkohësisht nënkryetar i Bashkisë së Kamzës, pozicion të cilin do i duhet ta dorëzojë pas marrjes së mandatit të deputetit.
Sot do të duhej të merrte mandatin edhe Halil Jakimi, por formulari i dekriminalizimit që ka dorëzuar ai është ende në proces shqyrtimi.
KQZ do t’i dërgojë formularët nominalë tetë kandidatëve të tjerë nga Partia Demokratike dhe Lëvizja Socialiste për Integrim, të cilët duhet të vendosin nëse do të pranojnë apo jo mandatet./Opinion.al
