Komisioni Qendror i Zgjedhjeve është mbledhur këtë të hënë për zëvendësimin e 6 mandateve të lëna nga deputetët e PD dhe LSI. Procesi i kalimit të mandateve është zhvilluar pa probleme për 5 prej tyre, ndërsa KQZ ka shtyrë për të martën vendimin për Ligoraq Karamelon.
Vendimi për t’i dhënë mandatin e Klevis Balliun në Korçë, Ligoraq Karamelo u vendos të shtyhej për ditën e martë pasi këtë të hënë skandon dhe afati që ka kandidatja Soela Myrtollari për t’ju përgjigjur thirrjes së KQZ, për të pranuar mandatin, e cila ka përparësi në marrjen e mandatit pasi nuk është respektuar kuotat gjinore në këtë qark.
Mandati i deputetit, Astrit Veliaj i është dhënë Lefter Maliqit. Ndërsa vendin e lënë bosh nga Viktor Tushaj i LSI në Lezhë do ta zërë Elda Hoti. Sakaq, Nora Malajn, e zgjedhur deputete në Durrës nën siglën e LSI, e zëvendëson Edlira Hyseni. Mandatin e Vangjel Tavos po nga LSI në Gjirokastër e mori Ediola Braha.
Ndërsa vendin e Lulzim Bashës në Kuvend e merr Majlinda Halilaj. Në njoftimin e KQZ thuhej se Majlinda Halili do të merrte mandatin e Gent Strazimit, i cili renditet i 9 në listën e PD në kryeqytet. Por Bledar Skënderi kërkoi që zëvendësimi i deputetëve që dogjën mandatet të niste nga ata që kryesonin listën e që në Tiranë është kryedemokrati Lulzim Basha. Kundër këtij propozimi votoi kundra vetëm kryetari Klemend Zguri. Deputetët e rinj do të betohen në seancën e ardhshme parlamentare./Opinion.al
