Komisioni i Pavarur i Kualifikimit ka vendosur të shkarkojë nga detyra gjyqtarin e Apelit të Krimeve të Rënda, Gjovalin Përnocajn.
Trupa gjykuese që dha vendimin përbëhej nga Xhensila Pine kryesuese, Olsi Komici relator dhe Suela Zhegu anëtare. Në cilësinë e vëzhguesit ndërkombëtar ishte i pranishëm Theo Jacobs.
Gjyqtari Përnocaj ushtronte prej 15 vitesh detyrën në Apelin e Krimeve të Rënda.
Ai u gjet me probleme në deklarimin e pasurisë. Gjyqtari u gjet se kishte bërë deklarim të pasaktë për sipërfaqen dhe çmimin e një apartamenti dhe dy garazheve në Tiranë. KPK ngritur gjithashtu dyshime për një apartament tjetër në Golem të cilin Përnocaj e kishte blerë dhe më pas e kishte shitur pas gjashtë muajsh me dyfishin e vlerës. Apartamenti ishte shitur pas pak kohësh sërish me çmim të ulët.
Subjekti rezultoi gjithashtu të kishte blerë truall me sipërfaqe 105 m2 dhe ndërtesë prej 75 m2 në 1998 në Tiranë. Por u zbuluan mospërputhje të deklaratave për çmimin dhe sipërfaqen e ndërtimit.
Gjyqtari Përnoca u vlerësua pozitivisht për pastërtinë e figurës dhe profesionalizmin. /Opinion.al
