Komisioni i Posacëm i Apelimit ka shkarkuar nga detyra Kryetarin e Gjykatës së Lartë, Xhezair Zaganjori.
Sipas KPA Zaganjori ka në bashkëpronësi 4 pasuri, apartament 296 m2 në me bashkëshorten, një bodrum 264 m2, një bibliotekë dhe dyqan 281 m2 dhe zyrë 57 m2.
Komisionerit Publik ka deklaruar se këto pasuri, në vitin 2003, krahasuar me deklaratën e bërë në vetting, ka pasaktësi në vlerën e pasurive dhe burimin e të ardhurave për krijimin e tyre.
“Deklarimi është i pamjaftueshëm, i pasaktë dhe nuk i justifikon ato në burime të ligjshme” tha gjatë dhënies së vendimit kryesuesja e trupës vlerësuese Albana Shtylla
Vetë gjyqatri nuk ishte i pranishëm në sallë kur u dha vendimi.
Procesi ndaj Zaganjorit në KPA u krye nga trupa e kryesuar nga Albana Shtylla, me relatore Rezarta Schuetz dhe anëtarë Luan Daci, Natasha Mulaj dhe Sokol Çomo.
Zaganjori u konfirmua në detyrë në korrik të 2018-ës nga Komisioni i Pavarur i Kualifikimit, por vendimi u apelua në KPA. Me rekomandim të Operacionit Ndërkombëtar i Monitorimit, Komisioneri Publik apeloi vendimin e Komisionit të Pavarur të Kualifikimit. /Opinion.al
