Aktualitet

KPA rrëzon kërkesën e ish-gjyqtares, përjashtohet 15 vite nga ‘drejtësia’


Bëhu pjesë e Grupit Zyrtar të Opinion.al
>> KËTU <<
               Publikuar në : 10:55 - 11/11/20 |
Al Do

Komisioni i Posaçëm i Apelimit ka lënë në fuqi vendimin për përjashtimin për 15 vite nga sistemi i drejtësisë të ish-gjyqtares Arjana Fullani.

Sipas KPA-së, në momentin e hyrjes në fuqi të ligjit për vetting-un, Fullani ishte gjyqtare dhe vendimi i KPK-së është i drejtë dhe duhet të lihet në fuqi.

Fullani kërkoi shfuqizimin e vendimit të KPK të korrikut 2019, përmes të cilit ajo përjashtohet nga sistemi i drejtësisë për 15 vite. Ky vendim u mor pas interpretimit të Komisionerëve të vetingut se ish-gjyqtarja e Lartë kishte hequr dorë nga statusi i magjistrates.

Fullani pretendon se vendimi i KPK për ndërprerjen e procesit të vetingut ndaj saj, ishte marrë në një proces të parregullt ligjor.

Fullani tha se nuk ishte njoftuar nga KPK për trupin gjykues, me të cilët mund të kishte konflikt interesi, nuk i ishin vënë në dispozicion dokumentet e përdorura nga KPK, nuk ishte dëgjuar dhe nuk i ishte dhënë e drejta për t’u mbrojtur. /Opinion.al

Pas