Desada Metaj: Ju jeni modeli i mjekut të angazhuar me politikë, një fakt që për shqiptarët është shumë i njohur nga ish Presidenti dhe ish kryeministri Sali Berisha. Nëse sot, do t’ju kërkonin dhe të vinit që të angazhoheshit në Shqipëri, do të angazhoheni, në pozicionin tuaj si mjek apo si politikan?
Kouchner: Pyetje e vështirë, sepse unë kam qenë mjek dhe të gjithë aventurën time politike e kam bërë, ndonëse pa e ditur, me një pasaportë mjekësore. Mjekësia të lejon të shkosh më pranë njerëzve në një mënyrë normale, thuajse të detyruar. Aventura ime qe mjekësore parimisht, nevoja për të lehtësuar dhimbjet, me dëshirën e mirë për të qenë pranë njerëzve për t’i kuruar, pranë grave dhe është më mirë sepse ato janë e ardhmja.
Në Shqipëri nuk di çfarë do të beja… Do të isha kandidat për President?!
Meqë ju thoni se shqiptarët më duan… por nuk jam me kombësi shqiptare, ndaj nuk mund të kandidoj. Nuk duhet të ketë vetëm politikanë profesionistë, gjërat duhet të ndryshojnë.
duhet të ketë një ndërthurje mes politikanëve dhe përfaqësues të shoqërisë civile dhe kjo duhet te jetë e vazhdueshme. Duhet të rrish disa vjet në politikë, siç ndodh në Amerikë, në vendet normale. Edhe tek ne ndodh e njëjta gjë, kemi politikanë profesioniste dhe nuk është gjë e mirë, duan të jenë gjithnjë në pushtet.
Nevoja e dialogut mes Ramës dhe Berisha është e dukshme, por edhe e pamundur për momentin.
Shiko videon:
