Bernard Kouchner është një politikan francez, në të shkuarën ka qenë ministër shëndetësie dhe ministër i punëve të jashtme. Në vitet 1999-2000, ka pasur postin e kryeadministratorit të Kosovës. Mbrëmjen e sotme, vjen në një intervistë ekskluzive për emisionin ‘Opinion’ në TV Klan.
Desada Metaj: A ka sot Kosova qeverinë, drejtimin që meriton?
Kouchner: Kam mësuar diçka, sepse edhe unë kam qenë i ri dikur. Pasioni, historia nuk ndjek të papriturat e aktorëve të saj. Duhet kohë për të ndryshuar, një gjeneratë, dy apo tre gjenerata. Gjërat në Kosovë shkojnë më mirë. Si fillim nuk po luftojnë më. Ky është një sukses, një nga të rrallat e Kombeve të bashkuara. Kam qenë në Kosovë para dy muajsh dhe vendi ka ndryshuar, por edhe këtu në Tiranë vura re shumë ndryshime. Vendi juaj ka ndryshuar shumë. Pastaj në Kosovë ka një parlament, ka lëvizje politike ka zgjedhje pak a shumë të kontrolluara
Në fillim ka qenë shumë e vështirë që Thaçi të bisedonte me Rrugovën. Çdo ditë ka patur vrasje, madje edhe mes tyre ka patur vrasje. Ka patur gjithashtu masakrime të fshatarëve serbë. Situata ka qenë mjaft e nderë. Nuk ishte aspak vend miqësor. Mbrëmjeve kur pinim diçka, duhet të pije me serbët, jo me kosovarët. Ama tani… nuk po them se është arritur perfeksioni, sepse investimet thuajse nuk ekzistojnë, janë të pakta.
Vendi ekziston, është njohur pavarësia nga 80% e vendeve. Nuk ka më luftë, ekziston dialogu me serbët. Serbia nuk e njeh Kosovën si shtet. E di që ka qenë shumë e vështirë për ta që humbën djepin e fesë ortodokse, po kjo është e vërtetë. Mos vallë është më mirë që të bësh luftë përgjithnjë? Ne zgjodhëm ta ndalim luftën. Më në fund mund të shkohet në Kosovë, serbët mund ta vizitojnë Kosovën. Nuk është situatë e gëzueshme, por mund të shkojnë në Kosovë dhe kosovarët mund të shkojnë në Serbi.
Mendoj se është më mirë, por duhet ende shumë kohë që, ndoshta në Evropën e bashkuar, të dyja etnitë do të shkojmë më mirë. Në Kosovë nuk ka patur martesa mikse, në Bosnjë 8 apo 10 përqind. feja ishte shënuar edhe në pasaportë. Në Kosovë nuk ka patur martesa miske, ndonëse pasaportat ishin njësoj. Duhet kohë për t’u dashuruar, ndonjëherë nuk dashurohesh fare.
Shiko videon:
