Kosova i kishte mundësitë ndaj Danimarkës, por në minutat shtesë një moment hutimi prishi gjithë festën. Ishin dardanët ata që shënuan golin e parë. Amir Rrahmani arriti ta tundë portën e skuadrës daneze në minutën e 41.
Kaq u desh dhe gjithë stadium “Fadil Vokrri” në Prishtinë shpërtheu. Pavarësisht sulmeve nga ana e danezëve pjesa e parë u mbyll me fitoren e Kosovës. 45 minutat e dyta filluan vrullshëm nga lojtarët e Danimarkës, derisa në minutën e 63 sulmuesi danez Eriksen do të barazonte rezultatin.
Por gjithë gëzimi danez zgjati 2 minuta. Bersant Celina arriti që të tundë portën e portierit danez.
Por këtë rezultat Kosova nuk mundi ta mbajë. Në minutën e parë shtesë (5 u dhanë gjithsej) Pierre-Emile Hoejbjerg do të shënonte për Danimarkën. Edhe ky barazim është tepër i vlefshëm për Kosovën duke parë kundërshtarin./Opinion.al
