Kryeministri i Kosovës, Isa Mustafa i cili po qëndron në Bruksel ka thënë se nuk ka asnjë tërheqje të nënshkrimeve dhe se një kërkesë e tillë nga opozita është e kotë.
Mustafa ka thënë se do të ketë vetëm respektim të vendimeve të Gjykatës Kushtetuese dhe institucioneve të vendit.
“Në takimet që i kam zhvilluar në Bruksel me përfaqësues të lartë edhe është diskutuar situata në Kosovë dhe është absolutisht e papranueshme nga ana ime e edhe e tyre sjellja që është parë sot në Prishtinë. Është e papranueshme të shkatërrohet prona publike dhe private”, ka thënë kreu i ekzekutivit.
Ai po ashtu ka dhënë edhe një lajm të mirë për qytetarët e Kosovës, duke thënë se vitin e ardhshëm do të udhëtojnë pa viza.
