Presidenti i Kosovës Hashim Thaçi ka shpallur zgjedhjet e jashtëzakonshme lokale në katër komunat veriore Mitrovicë e Veriut, Zubin Potok, Leposaviq dhe Zveçan. Këto janë zona me shumicë serbe.
Vendimi është firmosur sot më 8 prill, ndërsa njoftimi i ka shkuar menjëherë Komisionit Qendror të Zgjedhjeve. Zgjedhjet e jashtëzakonshme në këto katër komuna do të mbahen më 19 maj 2019.
Kryetarët e këtyre komunave hoqën dorë nga detyra në nëntorin e vitit të shkuar pas vendimit të Qeverisë për rritjen e taksës nga 10 në 100 për qind ndaj produkteve me origjinë nga Serbia./Opinion.al
