Një ngjarje e rëndë ka ndodhur mesditën e sotme në Kosovë, ku një shtetas është qëlluar për vdekje me armë zjarri.
Sipas njoftimit të policisë, ngjarja ka ndodhur rreth orës 13:50, në ambientet e një lokali në rrugën “Sala e Hamit Jashari”, në Skënderaj.
Policia njofton se po punon për identifikimin dhe kapjen e autorit. Ndërkohë që nuk dihen ende rrethanat e ngjarjes.
Njoftimi i policisë:
“Sot më, 12 shkurt 2025, rreth orës 13:50 policia në Skenderaj ka pranuar informatën për të shtëna me armë zjarri në rrugën ”Sala e Hamit Jashari” në Skenderaj. Sipas informatave fillestare të shtënat kanë ndodhur brena një lokal ku si pasojë e të shtënave nga arma e zjarrit dhe plagëve të pësuara ka humbur jetën viktima mashkull i moshës rreth 42 vjeçar, shtetas i Republikës se Kosovës. Rrjedha hetimore po zhvillohet ne drejtim te identifikimit dhe arrestimit të një personi të dyshuar”.
