Autoritetet shëndetësore në Kosovë kanë njoftuar se në 24 orët e fundit janë regjistruar 68 raste të reja me koronavirus dhe një viktimë.
Instituti Kombëtar i Shëndetësisë Publike tha se rastet e reja u konfirmuan nga testimi i 702 mostrave.
Instituti po ashtu tha se në harkun e 24 orëve jnë shëruar 33 pacientë të cilët ishin infektuar me COVID-19.
Me këto shifra, numri i përgjithshëm i të infektuarve me koronavirus në Kosovë arrin në 16,247. Prej tyre, 648 pacientë kanë vdekur dhe 14,368 janë shëruar.
Kosova i ka regjistruar rastet e para me koronavirus më 13 mars. Aktualisht, raste aktive janë 1,231./ Opinion.al
