Ministri i Shëndetësisë, Arben Vitia, ka thënë gjatë një takimi se pritet të lehtësohen masat kundër pandemisë në Kosovë, përfshirë edhe heqjen e kufizimit të lëvizjes.
Nga ana tjetër Asociacioni i Komunave të Kosovës është shprehur se vendimi për lehtësimin e masës së kufizimit do të merret brenda kësaj jave, ndërkaq nga mesi i qershorit, autoritetet do të vendosin lidhur me masat lidhur me mbajtjen e festave.
“Pritet që lokalet të lejohen të punojnë deri në ora 23:00 ndërsa organizimi i dasmave pritet të lejohet nga 15 qershori”, tha Asociacioni.
Bëhet me dije gjithashtu se të premten, më 28 maj, në Kosovë do të arrijnë 100 mijë doza të vaksinës dhe do të nisë vaksinimi në masë i qytetarëve. Sipas vendimeve të marra më 18 prill nga Qeveria e Kosovës, kufizimi i lëvizjes në Kosovë zbatohet në periudhën 22:30 – 05:00./Opinion.al
