Ministria e Shëndetësisë dhe Shërbimi Spitalor dhe Klinik Universitar i Kosovës (SHSKUK), u shpreh se për shkak të shtimit të numrit të vdekjeve brenda një afati të shkurtër kohor, janë ngritur dyshime lidhur me natyrën e vdekjes së këtyre pacientëve.
Ministria i ka bërë thirrje publikut dhe të qytetarëve që të përmbahen nga konkluzionet e parakohshme dhe t’u japin kohën e duhur institucioneve përgjegjëse për ta bërë analizën e shkaqeve të vdekjeve.
Ministri i Shëndetësisë, Armend Zemaj tha se Kosova ka potencial të përballet me koronavirusin, ndaj sipas tij, nuk ka vend “për reagime histerike”.
Arbnora Fazliu nga Mitrovica, vajza e një pacienti 70-vjeçar, që ka qenë i infektuar me koronavirus, iu ka thënë mediave se dyshon që babait të saj nuk i është dhënë ndihma e duhur mjekësore.
Policia e Kosovës, të dielën, është parë në ambientet e QKUK-së, por zyrtarët e këtij institucioni nuk kanë treguar për arsyen se pse ka pasur forca të shtuara policore dhe pse Klinika Infektive ishte rrethuar me shirita të policisë./Opinion.al
