Kosova ka raportuar në 24 orët e fundit 7 viktima dhe 270 raste të reja me koronavirus.
Instituti Kombëtar i Shëndetësisë Publike të Kosovës (IKSHP) tha se tre viktima u konfirmuan në Prishtinë dhe nga një në Gjilan, Kamenicë, Klinë dhe Novobërdë.
Sipas IKSHPK-së, rastet e reja rezultuan nga testimi i 1,003 testeve. Po ashtu, sot u raportua edhe për 478 pacientë të shëruar.
Me shifrat e fundit, numri i përgjithshëm i të infektuarve me koronavirus në Kosovë arrin në 50,405.
Prej tyre, 1,305 pacientë kanë vdekur dhe 39,134 janë shëruar. Raste aktive aktualisht janë 9,966.
