Një numër i lartë i rasteve të reja me Covid është shënuar këtë të enjte në Kosovë, ndërkohë që po qarkullon varianti “Delta”.
Instituti Kombëtar i Shëndetësisë Publike në Kosovë njofton se janë regjistruar 1,009 raste me koronavirus, pas testimit të 6,784 mostrave.
Gjatë 24 orëve të fundit kanë humbur jetën si pasojë e Covid-19, 2 persona. Viktimat janë nga Suhareka dhe Vitia.
Po ashtu bëhet me dije se janë shëruar 82 qytetarë.
Nga fillimi i pandemisë e deri më tani numri i të infektuarve me Covid ka shkuar në 112,653 në Kosovë mes të cilëve kanë humbur jetën 2,276 qytetarë./Opinion.al
