Vijon të rritet numri i të infektuarve me Covid-19 në Kosovë. Në 24 orët e fundit janë regjistruar 827 raste të reja nga 4.838 testime të kryera.
Gjithashtu 16 persona kanë humbur betejën me Covid-19. Rastet e vdekjes janë nga komunat: Prizren 3 raste (87, 71, 62 vjeç), Ferizaj 2 raste (58, 82 vjeç), Gjakovë 2 raste (73, 76 vjeç), Mitrovicë 2 raste (72, 60 vjeç), Fushë-Kosovë 1 rast (53 vjeç), Kamenicë 1 rast (79 vjeç), Lipjan 1 rast (84 vjeç), Obiliq 1 rast (62 vjeç), Pejë 1 rast (72 vjeç), Prishtinë 1 rast (76 vjeç) dhe Viti 1 rast.
Numri total i rasteve pozitive është 83.012 persona nga të cilët 1.776 kanë humbur jetën. Aktualisht Kosova numëron 12.635 raste aktive./Opinion.al
