Ministria e Shëndetësisë së Kosovës njoftoi se janë regjistruar tetë viktima dhe 249 raste të reja me koronavirus pas testimit të 2,804 mostrave.
Në raportin e MSH-së, që i referohet të dhënave të 24 orëve paraprake, bëhet e ditur se janë shëruar edhe 1,129 pacientë.
Ndërkaq, raste aktive me sëmundjen COVID-19 janë 5,073.
Në 24 orët paraprake po ashtu janë administruar 1,209 doza të vaksinës kundër koronavirusit.
Deri më tani, në Kosovë 812,931 persona janë vaksinuar me dy doza të vaksinës./Opinion.al
