Kosova ka regjistruar në 24 orët e fundit trembëdhjetë viktima dhe 574 raste të reja me koronavirus.
Instituti Kombëtar i Shëndetësisë Publike të Kosovës (IKSHPK) tha se tre raste të vdekjes janë regjistruar në Vushtrri, nga dy në Gjilan, Kamenicë dhe Prizren, si dhe nga një rast në Fushë Kosovë, Istog, Prishtinë dhe Skenderaj.
Restet e reja kanë ardhur si rezultat i testimit të 3,570 mostrave.
Numri më i madh i tyre është në Prishtinë: 233. Me shifrat e fundit, numri i përgjithshëm i të infektuarve në Kosovë arrin në 77,827.
IKSHPK-ja po ashtu njoftoi se në 24-orë, 394 pacientë u shëruan nga koronavirusi.
Ndërkohë që bëhet me dije se që nga fillimi i pandemisë 1,715 pacientë kanë vdekur dhe 65,060 janë shëruar./Opinion.al
