Kosova ka regjistruar në 24 orët e fundit 344 persona të infektuar me koronavirus, pas testimit të 2,281 mostrave.
Instituti Kombëtar i Shëndetësisë Publike ka njoftuar se të enjten janë regjistruar dy viktima me këtë virus. “Rastet e vdekjes janë nga komunat: Skenderaj 1 rast (63 vjeç), Viti 1 rast (85 vjeç)” , është thënë në njoftim.
Sipas autoriteteve shëndetësore, nga virusi COVID-19, janë shëruar 230 persona, derisa raste aktive janë 7,008.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 63.433 persona të infektuar me këtë virus. Prej tyre, 1,534 pacientë kanë ndërruar jetë./Opinion.al
