Kosova vijon të raportojë shifra të larta të viktimave dhe të rasteve të reja me COVID-19. Autoritetet shëndetësore në Kosovë njoftojnë se në 24 orët e fundit janë regjistruar 14 viktima.
Sipas Instituti Kombëtar i Shëndetit Publik, nga 1,407 teste të kryera në 24 orë, janë konfirmuar me koronavirus 519 raste të reja.
Rastet e vdekjes janë nga komunat: Gjakovë 4 raste (75, 66, 61, 36 vjeç), Podujevë 1 rast (68 vjeç), Prizren 1 rast (58 vjeç), Podujevë 1 rast (68 vjeç), Malishevë 1 rast (63), Ferizaj 1 rast ( 67 vjeç), Mitrovicë 1 rast (79 vjeç), Vushtrri 1 rast (70 vjeç), Shtime 1 rast (58 vjeç), Kaçanik 1 rast (65 vjeç), Kamenicë 1 rast (72 vjeç), Suharekë (68 vjeç).
Sipas të dhënave, sot janë regjistruar edhe 926 raste që kanë mposhtur virusin, ndërsa rastet aktive janë 12,774.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 43,324 të prekur nga Covid-19. Prej tyre 1,120 pacientë kanë vdekur./ Opinion.al
