Në përkujtim të 12 vjetorit të ndarjes nga jeta e ish-Presidentit të Kosovës, Ibrahim Rugova, presidenti aktual Hashim Thaçi dhe anëtarë të Lidhjes Demokratike të Kosovës bën homazhet para varrit të tij. Ibrahim Rugova u zgjodh më 23 dhjetor 1989, kryetar i Lidhjes Demokratike të Kosovës, partisë së parë politike në Kosovë që sfidoi drejtpërdrejt regjimin komunist në fuqi. Rugova ndërroi jetë më 21 janar 2006.
Presidenti aktual i vendit, Hashim Tashi, ka vizituar ditën e dielë varrin e ish-presidentit Ibrahim Rugova, në përkujtim të 12 vjetorit të ndarjes nga jeta.
Thaçi, së bashku me disa pjesëtarë të kabinetit të tij, si dhe kryeministri i Kosovës Ramush Haradinaj kanë kryer homazhet në nderim të ish-Presidentit historik të Kosovës.
Të pranishëm në memorialin e Rugovës, ishin edhe anëtarë të Lidhjes Demokratike të Kosovës, e para parti e Kosovës që nën drejtimin e Ibrahim Rugovës, sfidoi drejtpërdrejt regjimin komunist në fuqi në 1989.
Hashim Thaçi tha se brenda një periudhe dhjetëvjeçare, Rugova udhëhoqi një politikë të rezistencës paqësore, duke shprehur vullnetin e popullit të Kosovës për liri dhe pavarësi, me orientim nga vlerat perëndimore.
Presidenti aktual nënvizoi se nuk do të mungojnë kurrë nderimet institucionale për kontributin dhe angazhimin e Rugovës për liri dhe pavarësi të Kosovës.
Ndërsa kryeministri i Kosovës Ramush Haradinaj tha se do ta kujtontë gjithmonë me respekt shembullin, figurën dhe vizionin e të ndjerit Ibrahim Rugova.
Ish-presidenti i Kosovës Ibrahim Rugova ndërroi jetë më 21 janar të vitit 2006, ku u varros me nderime të larta shtetërore dhe ushtarake./oranews/
