Gjykata Kushtetuese e Kosovës ka rrëzuar qeverinë e kryeministrit Hoti duke quajtur të pavlefshme votën e deputetit Etem Arifi, e cila ishte vendimtare për krijimin e Qeverisë së drejtuar nga Avdullah Hoti.
Në disa nga arsyetimet e vendimit të Kushtetueses konstatohet se deputetit Etem Arifi ka qenë i dënuar dhe për këtë arsye ai nuk mund të ishte kandidat për deputet dhe as të fitonte një mandat.
Deputeti Arifi mësohet se ka qënë i dënuar me 1 vit e 3 muaj burgim nga Gjykata e Apelit për mashtrim me subvencione. Ndonëse i dënuar, Arifi kishte votuar pro formimit të qeverisë Hoti në seancën e 3 qershorit.
Për këtë arsye Kushtetuesja i kërkon Presidentes që të shpallë zgjedhjet e reja brenda 40 ditëve nga hyrja në fuqi e këtij vendimi.
Lëvizja Vetëvendosje bëri një ankimim në Kushtetuese pas krijimit të qeverisë e cila mori 61 vota, se deputeti Arifi në kohë kur votoi ishte i dënuar me vendim gjykate. Kujtojmë që LDK e krijoi qeverinë e re pas mocionit të mosbesimit ndaj qeverisë së Albin Kurtit, duke marrë në qeverinë e re partitë AAK dhe NISMA.
Pjesë nga arsyetimi i Gjykatës Kushtetuese të Kosovës.
