Deri në orën 15:00, mbi 29 për qind të qytetarëve të Kosovës kanë votuar ditën e sotme në zgjedhjet e përgjithshme. Kjo shifër është publikuar nga Komisioni Qendror i Zgjedhjeve në Kosovë.
Sipas KQZ, rreth 560 mijë persona kanë hedhur votën brenda kutive të votimit. Valdete Daka, kryetarja e KQZ-së ka thënë se procesi ka vijon normalisht, ndërsa thekson se numri i votuesve ka qenë në rritje në krahasim me zgjedhjet e shkuara.
“Deri në orën 15:00 kanë votuar 29 për qind e qytetarëve me të drejtë vote. Kemi një rritje të votuesve në krahasim me zgjedhjet e 2017. Nuk ka incidente që cenojnë procesin. Kemi disa persona që janë intervistuar, por më pas janë liruar. Zakonisht trendi është në rritje në orët e fundit para mbylljes së procesit. Për herë të parë pjesëmarrja mund të shkoj drejt 50 për qindshit, por ky është një supozim i imi”-tha Valdete Daka./ Opinion.al E.Xh.
