Qeveria e Kosovës ka vendosur të forcojë masat kufizuese kundër koronavirusit.
Bëhet me dije se qeveria ka miratuar vendimin për të ndaluar hyrjen e qytetarëve nga India, Brazili dhe Afrika e Jugut.
Kjo masë është marrë për të parandaluar përhapjen e varianteve të reja që janë shfaqur në këto vende dhe kanë treguar se kanë një agresivitet më të madh se mutacionet e tjera.
Por në vendim sqarohet se qytetarët kosovarë që ndodhen dhe duan të vijnë nga këto shtete, do të lejohet të futen në Kosovë. Më tej sqarohet se këta persona fillimisht duhet të karantinohen për dy javë, dhe të testohen dy herë.
