Kuvendi i Kosovës ka miratuar ditën e sotme në seancën parlamentare projektligjin për buxhetin e vitit 2021.
Ky projekligj është miratuar me 85 vota pro, pa asnjë votë kundër dhe asnjë abstenim.
Buxheti është miratuar me procedurë të shpejtë me një mocion procedural të propozuar nga deputetët. Në këtë formë, amendamentet nga 1 deri 13 janë votuar si pako, po kështu janë votuar edhe amendamentet nga 13 deri në 150, të cilat janë pa përkrahjen e komisionit funksional.
Ministrja e Financave Hykmete Bajrami ka bërë të ditur se nga buxheti janë parashikuar 40 milionë euro shtesë për vaksinat anticovid./Opinion.al
