Ministria e Shëndetësisë së Kosovës ka porositur shtatëmijë teste për koronavirus, të cilat pritet të arrijnë në vend brenda pak ditësh.
Faik Hoti, drejtor i Departamentit për Informim në këtë ministri, tha se është porositur edhe terapi klorokine (Chlorochuine), por theksoi se për përdorimin e saj do të vendosin profesionistët e fushës.
“Brenda pak ditësh do t’i kemi edhe dozat e para të produktit klorokine. Por, duhet përmendur se akoma nuk ka një medikament, i cili është treguar i suksesshëm në trajtimin e kësaj sëmundjeje”, tha Hoti.
Deri më tani Kosova ka 33 raste të konfirmuara me koronavirus, ndërsa një pacient ka humbur jetën të dielën./Opinion.al
