Kosova ka regjistruar në 24 orët e fundit 62 raste të personave të prekur nga Covid -19, në 205 testime të kryera. Ndërkohë, në të gjithë vendin prej nisjes së pandemisë janë shënuar 44 viktima. Autoritetet kanë njoftuar se me lehtësimin e masave është rritur gjurmimi i rasteve të reja të COVID-19 duke u shtuar rreziku të shpërthejnë vatra të reja epidemike në disa komuna të Kosovës dhe në institucione e degë të ekonomisë, për shkak të mosmbajtjes së distancës dhe mosmbajtjes së maskave.
Njëkohësisht është bërë apel që qytetarët dhe veëanërisht bizneset të ruajnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura. Kujtojmë se në Shqipëri në 24 orët e fundit u regjistruan 77 raste të personave të infektuar. /Opinion.al
