Qeveria e Kosovës ditën e sotme ka lehtësuar masat anti-covid të marra në kuadër të pandemisë COVID-19. Ministri i Shëndetësisë në vend, Arben Vitia njoftoi se institucionet publike dhe private të të gjitha niveleve të arsimit vazhdojnë mësimin sipas udhëzuesit përkatës për sektorin e arsimit.
Në kuadër të këtij vendimi nga e hëna e 19 prillit rihapen lokalet dhe qendrat tregtare. Po ashtu nga dita e hënë (nesër) qytetarëve u ndalohet qarkullimi prej orës 22:30 deri në orën 05:00 të mëngjesit.
Vendimet më tej:
Institucionet publike dhe private të arsimit të vazhdojnë aktivitetin e tyre në mënyrë të rregullt sipas udhëzuesit të përkohshëm për aplikimin a masave për parandalimin dhe luftimin e COVID – 19 në institucionet e arsimit të të gjitha niveleve;
– Shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19 në sektorin e gastronomisë, përmes së cilit vendosën masa për respektimin e distancës në mes të tavolinave dhe përcaktimit të numrit maksimal të personave të lejuar për metër katror;
– Qendrat tregtare të zhvillojnë veprimtarinë duke respektuar me përpikëri masat sipas udhëzuesit të veçantë për qendrat tregtare./Opinion.al
