Ministrja e Jashtme e Kosovës, i dërgoi zyrtarisht një letër drejtorit ekzekutiv të Apple, Tim Cook ku i kërkon përfshirjen e Kosovës në hartën e Apple.
Në letër, Meliza Haradinaj-Stublla, ministrja Haradinaj-Stublla thekson të gjitha arsyet përse Apple duhet të marrë këtë vendim.
Mes tjerash përmendet dhe fakti se pavarësia e Kosovës është e njohur nga mbi dy të tretat e vendeve të botës.
“Më 22 korrik të vitit 2010, Gjykata Ndërkombëtare e Drejtësisë, në një opinion këshillë-dhënës erdhi në përfundimin se shpallja e pavarësisë së Kosovës më 17 shkurt të vitit 2008 nuk kishte shkelur ligjin ndërkombëtar”, shkruan ministrja Haradinaj-Stublla.
Kujtojmë se në rrjete sociale ka nisur një peticion ku iu kërkohët njerëzve të firmosin që Apple të përfshijë Kosovën në hartën e saj./Opinion.al
