Sot Kosova feston 14-vjetorin e Pavarësisë! Në orën 15:28 të 17 Shkurtit të 2008, Kuvendi i Kosovës e shpalli atë shtet sovran të pavarur.
Republika e Kosovës feston sot ditëlindjen e saj të 14 dhe është njohur deri më tani nga 117 shtete. Vendi i fundit që e njohu Kosovën është Izraeli.
Në kryeqytet, Prishtinë, janë vendosur anembanë flamuj të Kosovës Sakaq, janë parashikuar aktivitete të ndryshme për këtë ditë, duke nisur me ngritjen e flamurit, seancën solemne të Kuvendit të Kosovës, parakalimin e Forcave të Sigurisë së Kosovës dhe Policisë.
Si çdo vit që tashmë është bërë traditë nuk do të mungojnë vizitat në kompleksin memorial Adem Jashari dhe te varri i presidentit historik të Kosovës Ibrahim Rugova. Do të ketë edhe program të përbashkët të asambleve kombëtare të valleve të Shqipërisë dhe Kosovës./Opinion.al
