Shtetet e Bashkuara të Amerikës janë gati të ndihmojnë Shqipërinë për hetimet për korrupsion ndaj zyrtarëve apo ish-zyrtarëve të lartë. Deklarata është bërë nga një zyrtar i ambasadës në Tiranë.
David Muniz, i ngarkuari me pune i ambasadës amerikane në përgjigje të interesimit të televizionit Vizion Plus ka deklaruar: “Qeveria e Shteteve te Bashkuara te Amerikës është gati te bashkëpunojë me çdo hetim te zyrtareve te larte te korruptuar”. Kjo tregon edhe njëherë vendosmërinë e Uashingtonit për te luftuar korrupsionin, e mbi te gjitha rastet ku janë te përfshirë ‘peshqit e mëdhenj’.
Deklarata vjen fill pasi u njoftua se ish-kryeprokurorit Adriatik Llalla dhe familjarëve të tij u ndalohet hyrja në SHBA, me dyshimet se Llalla mund të jetë përfshirë në raste korrupsioni. Vendimi është firmosur nga Sekretari i Shtetit Rex Tillerson, ndërsa në Shqipëri nuk ka deri më tani asnjë hetim për Llallën, fakt ky i pohuar dhe nga minsitri Xhafaj javën e kaluar në “Opinion”.
/Opinion.al
