Sekretarja për Marrdhëniet me Publikun nw PD, Grida Duma bëri publike sot disa dokumente që tregojnë tenderat e fituara nga kompania TRIMED, e Vilma Nushit, që sipas PD është mikesha e Edi Ramës.
“Shuma e përfituar është mbi 2 milionë e 100 mijë euro. Një pjesë e mirë, e këtyre milionave është marrë pa tender. Paratë janë marrë me negocim”, tha Duma, duke shtuar se,” edhe pse kjo zonjë ka dorë kudo, në dogana, në mobilime zyrash, edhe pse mori koncesionin e chekup prej 120 milionësh, mikes së kryeministrit i duheshin dhënë edhe ca miliona të tjera me ilaçet. Ky është shteti i Edi Ramës. Shtet i krimbur në korrupsion. Shëndetësia e Beqajt është vetë kanceri i shtetit”, u shpreh Grida Duma.
