Gjykata e Apelit të Posaçëm, këtë të premte ka lënë në fuqi masën e sigurisë arrest me burg për Silvi Shehun, inxhinierin e kompanisë së Vladimir Topit që u arrestuan me dyshimin se korruptuan sekretaren e ministrisë së Shëndetësisë Joana Duron.
Në burg për aferën me tenderat, mbahen edhe Joana Duro dhe specialistja e lartë e shërbimeve publike Laureta Shteto.
Sipas SPAK, Shteto është personi që kishte marrë zarfin me 330 mijë lekë të cilat u dhanë si ryshfet për tenderin e supervizimit të disa qendrave shëndetësore në Tiranë dhe në Durrës, e fituar nga kompania “Dricons” e Vladimir Topit.
Ndërsa Joana Duro, sekretare e përgjithshme e Ministrisë së Shëndetësisë akuzohet se mori 330 mijë lekë të reja për të favorizuar kompaninë “DRICONS” në një tender të hapur nga Ministria për supervizimin për rikonstruksionin e qendrave shëndetësore në Tiranë dhe Durrës./Opinion.al
