Koronavirusi, zbuloni pyetjet që marrin përgjigje sot në “Opinion”

Emisioni “Opinion”, në temën e së hënës trajton temën e koronavirusit dhe përhapjes së tij tashmë edhe në Itali, shumë pranë vendit tonë.

Në faqen e tij në Facebook, ky emision u ka krijuar mundësinë ndjekësve të tij, t’u drejtojnë pyetje specialistëve, lidhur me këtë virus.

Ja cilat janë pyetjet, të cilave do t’u përgjigjen mjekët e pranishëm në studion e emisionit.

1. A është Koronavirusi një virus që kurohet?
2. Me cfarë ilaçesh luftohet?
3. Sa % e të infektuarve humbasin jetën?
4. A i prek koronavirusi fëmijët? Kush janë kategoritë më të rrezikuara?
5. A jane meshkujt me te  prekur se femrat?
6. Cila është forma më e përhapur e transmetimit të tij?
7. Nëse na shfaqen simptonat e koronavirusit, çfarë duhet të bëjmë?
8. Ku kryhen analizat dhe sa kohë kërkojnë ato?
9. Nëse një person rezulton I infektuar, duhet të izolohet apo mund të kurohet edhe në shtëpi?
10. A transmetohet virusi përmes ushqimit apo objekteve në jetën e përditshme, gotë, pjatë, filxhan i kafes, në bar apo restorant?
11. A duhet të përdorim mjetet publike të transportit, autobus, tren, traget, avion?
12. Të frekuentojme vendet me shumë njerëz, kinema, teatër, stadium?
13. Frekuentimi i pishinave apo palestrave?
14. A duhet të shtrëngojme duart me njerëzit apo kontakt fizik si puthja apo përshëndetja me afrim koke?
15. A duhet  të shkojme tek dentisti?
16. A duhet te mbajmë maskë? A na mbron ajo?
17. Një person që është me virozë gripale, mund të infektohet edhe me koronavirus?
18. A mund te infektohet serish nje person i kuruar nga koronavirus?
19. A është e sigurt të marrim pako ose produkte nga Kina?
20. A mund të përhapin kafshët shtëpiake koronavirusin ?
21. A mbronvaksina kundër pneumonisë ndaj koronavirusit ?
22. Çfarë duhet të bëj nëse kam pasur kontakt me një person që ka koronavirus?
23. Ku mund te marr më shumë informacion? /Opinion.al