Qeveria e përkohshme e Rumanisë do të vetizolohet për 14 ditë, pasi një senator rezultoi pozitiv me koronavirus.
Pozitiv me Covid-19 rezultoi senatori, Virgil Chitac, i cili vizitoi parlamentin rumun ditët e fundit kur partitë e djathta po përpiqeshin të formonin një kabinet të ri.
Kryeministri i përkohshëm i vendit, Ludovic Orban, tha në një konferencë për shtyp se të gjithë anëtarët e kabinetit, përfshi disa të partisë së tij (PNL) do të testoheshin.
“I kërkuam ministrit të shëndetësisë të krijojë një mekanizëm të shpejtë për të kontrolluar të gjithë kolegët tanë. Do të testohen të gjithë. Unë do të vetizolohem te Villa Lac 1, prej ku do të vazhdoj detyrën”, tha Orban.
Ndërkaq, Rumania ka verifikuar 70 raste me COVID-19 deri tani, por fatmirësisht asnjë vdekje./Opinion.al
