Ditën e sotme ministria e Shëndetësisë njoftoi se 5 persona kanë humbur jetën në 24 orët e fundit, ndërsa janë konfirmuar 125 raste të reja me COVID-19.
Ndërkohë, situata në spitale vijon të jetë e qëndrueshme. Aktualisht në spitalin Infektiv dhe “Shefqet Ndroqi” po trajtohen 175 pacientë, 15 në terapi intensive nga të cilët 5 pacientë janë të intubuar.
Bëhet me dije se në 24 orët e fundit janë testuar si të dyshuar me koronavirus 833 persona, prej të cilëve rezultuan pozitivë 46 raste në Tiranë, 12 raste në Durrës, nga 7 raste në Elbasan, Mirditë, nga 6 raste në Krujë, Kavajë, Bulqizë, Kuçovë, nga 5 raste në Vorë, Gjirokastër, 4 raste në Gramsh, nga 2 raste në Shkodër, Berat, Kamëz, Mat, nga 1 rast në Kurbin, Kukës, Has, Tropojë, Pogradec, Sarandë, Selenicë.
Gjithashtu, 43 qytetarë janë shëruar në 24 orët e fundit, duke e çuar numrin e të shëruarve në total në 6831./ Opinion.al
