Albana Fico, nga Instituti i Shëndetit Publik ka deklaruar sot se në shërbimin Infektiv aktualisht gjenden 74 të shtruar.
Fico sqaron se 7 prej tyre janë në terapi intensive, nga të cilët 4 janë të intubuar ndërsa pjesa tjetër e të shtruarve në pavion janë në gjendje të stabilizuar.
“Në shërbimin infektiv aktualisht janë 74 të shtruar. Prej tyre 7 janë në terapi intensive nga të cilët 4 janë të intubuar. Pjesa tjetër e të shtruarve në pavion janë në gjendje të stabilizuar deri në këto momente. Ndërkohë në spitalin COVID 2 “Shefqet Ndroqi” kemi një pacient të shtruar.”, u shpreh Fico.
Ndërkohë, numri i personave të prekur nga koronavirusi në Shqipëri ka shkuar në 223, ku në 24 orët e fundit janë konfirmuar 11 raste të reja me COVID-19./Opinion.al
