Ditën e sotme ministria e Shëndetësisë konfirmoi 28 raste të reja të infektuar me koronavirus, duke e çuar numrin në total në 361 persona.
Po ashtu, në Shqipëri kanë ndërruar jetë 20 persona nga koronavirusi, ndërsa janë shëruar 104 të tjerë. Nërkohë, në shërbimin infektiv janë 64 persona të shtruar, ku 5 prej tyre janë në terapi intensive ndërsa një është i intubuar.
Në spitalin COVID 2 “Shefqet Ndroqi”, janë 7 pacientë të shtruar gjithsej. 6 pacientë janë në terapi intensive, prej të cilëve 2 janë të intubuar, ndërsa 1 pacient ndodhet në pavion.
“Ju informojmë se, në shërbimin infektiv aktualisht janë 64 të shtruar. 5 prej tyre janë në terapi intensive ndërsa një është i intubuar. Në spitalin COVID 2 “Shefqet Ndroqi”, janë 7 pacientë të shtruar gjithsej. 6 pacientë janë në terapi intensive, prej të cilëve 2 janë të intubuar, ndërsa 1 pacient ndodhet në pavion. Në dy spitalet COVID aktualisht po marrin shërbim 71 pacientë.”/ Opinion.al
