Teksa e gjithë bota po bën përpjekje për të siguruar materiale mjekësore të tilla si maska, doreza, ventilatorë e tjerë, shumë shpejt tregu mund të përballet me mungesë dorezash.
Alarmi u dha nga prodhuesit e dorezave, të cilët paralajmërojnë për një krizë të mundshme në prodhimin e tyre.
Një nga prodhuesit kryesor të dorezave për përdorim mjekësor në botë, siҫ është Malajzia, ka thënë se për shkak të masave të marra për të parandaluar përhapjen e virusit COVID-19, kanë ulur kapacitetet e tyre prodhuese.
Ata treguan se qeveria ka kufizuar lëvizjen në të gjithë vendin, duke urdhëruar pjesën më të madhe të bizneseve të qëndrojnë mbyllur, ndërsa u kërkon pjesës tjetër të punojnë me staf të reduktuar për të parandaluar përhapjen e mëtejshme te COVID-19.
Denis Low, Presidenti i Shoqatës deklaroi se industria malajziane furnizon rreth 67% të tregut botëror, me një sasi vjetore prej 345 miliard njësi. Ai gjithashtu u shpreh se edhe nëse punohet me kapacitet të plotë, kërkesat e ditëve të sotme janë dyfish me të larta se kapaciteti prodhues./Opinion.al
