Është shëruar nga koronavirusi bashkëshortja e kryeministrit kanadez, Justin Trudeau.
Sophie Gregoire Trudeau u shpreh në një deklaratë të publikuar në rrjetet sociale se tashmë ndihet mirë.
Ajo tha se ka marrë lajmin e shërimit nga mjeku i saj dhe zyrtarët e shëndetit publikë të Otavës. Zyra e Kryeministrit njoftoi më 12 mars se ajo ishte prekur me koronavirus pasi kishte filluar të mos ndihej mirë, pas kthimit nga një udhëtim në Londër.
Kryeministri i Kanadasë dhe familja e tij kanë qëndruar në izolim prej asaj kohe. Kanadaja deri më tani ka regjistruar mbi 5600 persona të infektuar dhe 60 viktima, sipas faqes “Worldometers”./ Opinion.al
