Koronavirusi vijon të shpërndahet me shpejtësi në vendet e Europës. Mësohet se deri më tani ka shkuar në 52 numri i personave që kanë humbur jetën nga koronavirusi në Itali.
Lajmi është bërë i ditur nga autoritetet italiane të cilat kanë bërë publike statistikat e fundit zyrtare mbi përhapjen e koronavirusit në nivel kombëtar.
Ndërkohë, numri i të infektuarve nga koronavirusi ka shkuar ne 1835. Vetëm gjatë 24 orëve të fundit janë regjistruar 18 viktima, ku 15 prej tyre janë në Lombardi dhe 3 në Emilia Romagna.
Sipas të dhënave, është rritur numri i pacientëve që janë shëruar nga koronavirusi në Itali, duke shkuar në 149./ Opinion.al
