Është rritur bilanci i viktimave nga koronavirusi në Itali. Mësohet se në 24 orët e fundit janë regjistruar 16 humbje jete, krahasuar me 11 që ishin ditën e djeshme.
Po ashtu, autoritetet civile njoftuan se janë konfirmuar dhe 1695 raste të reja, për një total prej 276.338 të prekurish nga Covid.
Megjithatë shifrat e rasteve të reja janë më të ulëta krahasuar me ato të së premtës, ku u regjistruan 1733 të infektuar.
Në Rajonin e Lombardisë gjatë 24 orëve të fundit u raportua për 1 viktimë dhe 338 raste të reja pozitive.
Sakaq, në Itali, ashtu si edhe në Europë dhe kudo në botë është verifikuar një ulje e ndjeshme e moshës së të infektuarve me Covid. Mosha mesatare e të diagnostikuarve gjatë javës së fundit në Itali ka qenë 32 vjeç, një rritje e lehtë krahasuar me javën e shkuar./Opinion.al
