Koronavirusi vijon të marrë jetë njerëzisht. Raportohet se është regjistruar viktima e dytë jashtë Kinës. Pas Filipineve, një person ka ndërruar jetë në Hong Kong pavarësisht se rajoni i bllokoi hyrjet nga Wuhani dhe provincat përreth për të izoluar prekjen.
Epidemia tashmë ka prekur 20,500 persona dhe numërohen 427 viktima.
Raste të reja janë identifikuar në Shtetet e Bashkuara të Amerikës ndërkohë që vijojnë operacionet e vendeve për të nxjerrë nga Wuhani shtetasit e tyre.
Pekini zyrtar akuzoi dje SHBA për përhapjen e panikut global ndërkohë që bursat tregojnë humbje të mëdha në tregjet kineze për shkak të koronavirusit.
Analistët parashikojnë një rënie të “output”-it global me 0,2 deri 0,3% si pasojë e izolimit të Kinës. /Opinion.al
